Frå og med 1. januar 2010 gjeld nye opptaksreglar i Voss Kommune. Private- og kommunale barnehagar har felles opptak, og dermed felles opptaksreglar.
For alle barn som HAR barnehageplass, men ynskjer å BYTA BARNEHAGE, eller endra plasstorleiken, er søknadsfristen no 1. FEBRUAR!
For alle andre barn er søknadsfristen som før 1. MARS.
Når søknaden er registrert i kommunen, vil barnet bli plassert på ventelista med ein kode bak. Slik ser prioriteringslista ut per 01.01.10:
1. Barn med nedsett funksjonsevne *
2. Barn i ein vanskeleg livssituasjon *
3. Barn som har trong for språkleg og kulturell integrering**
4. Barn av einslege forsytarar***
5. Søsken**** har plass i same barnehage, etter alder.
---------------------------------------------------------------------
*Er det barn med spesielle behov kan det søkjast om prioritert plass. Punkt 1 og 2 skal dokumenterast av fagpersonell, dvs, lege, pp-rådgjevar, psykolog, sosionom, spesialpedagog.
Barn med sterkt nedsett funksjonsevne av både fysisk og psykisk karakter, og som må ha tett oppfølging stort sett heile opningstida i barnehagen, vil få tilbod om plass i Voss barnehage. Voss barnehage er spesielt tilrettelagt for barn med samansette vanskar og rullestolbrukarar.
** Det vil seie barn av asylsøkjarar, nykomne innvandrarar og barn av foreldre der begge foreldra har morsmål utanfor Norden.
*** Eineforsytarar som er sambuarar med andre enn mor/far til barnet reknar vi som sambuar. (Dersom kommunen er usikker på om opplysningane i søknaden ikkje er rett, har kommunen høve til å kontrollera/be om dokumentasjon.)
****Søskenprioritet er knytt opp til at ein har søsken i barnehagen når barnet byrjar i barnehagen. Ved hovudopptaket vil ein kunna mista denne prioriteten dersom søsken går ut av barnehagen. Dette gjeld særleg for dei som har søsken som byrjar i skulen og eller sluttar i barnehagen.